Jivan Sangini

Durga puja ki ashtami ka din tha

Sandhya aarti ke samay

Mujhe kisi ke mridu sparsh ki anubhuti hui

Mahakte dhoop aur dhuyein ke beech

Mujhe do pratimayen dikhi

Ek nritya kar rahi thi

To doosri uska upabhog

Main kho sa gaya

Do-do pratibhaon ke beech

Dhuyein ki lakeerein jab chhanti

Ek pratima ke darshan huye

Doosri ka pata na chala

Bheed mein kho gayi kahin

Man se lekin ojhal na hui

Kayee varshon baad

Uske hi aamantran par

Uske hi angan mein

Man ki seemaon ko laangh kar

Wo mili mujhko

Usi nritya ke vesh mein

Usi sparsh ki anubhuti ke saath

Jjaise pehle se milna nischit tha

Chabi ya pratima matra na thi wo

Wo thi meri kalpana ka moorta roop

Wo thi meri jeevan sangini.